少膽虫入房開編前會，只見淫賤黎塊面黑過鞋底：「少膽虫，你身為腦腫，點管啲下屬o架，今日無記者開工，《爛果》無新聞喇！」少膽虫啱啱先瞓醒返工，個人仲迷迷糊糊，就遇到單咁嘅麻煩嘢，好在少膽虫一向轉數快。
「腦細，將今日份報紙，改一改日期，聽日咪有報紙出街囉！」淫賤黎身旁嘅肥豪面有難色，「咁咪即係重登舊聞？」少膽虫二話不說，一下反手抽擊落肥豪度，「你就重登！我呢啲叫重溫，驚有讀者今日唔記得買《爛果》，聽日畀佢哋睇番！而重登係指登番好多年前啲舊嘢！」
捱咗少膽虫一巴嘅肥豪，心有不甘地說：「咁如果今日有買《爛果》嘅讀者，聽日又睇番同一樣嘅報紙，畀人投訴點算？」少膽虫面帶嘲笑，「使死咩？我哋畀人投訴咗咁多年都無事，班友仔最多咪識叫『執咗佢』，真係怕佢有牙咩？我哋仲可以同人講，一個投訴都收唔到！少膽虫咁做，唔單止幫讀者重溫，最緊要係公司可以慳一筆。」淫賤黎聽畢大悅。
其實肥豪嘅擔心真係多餘，少膽虫都係嗰句︰「《爛果》都無咩人買，怕咩畀人發現重登……啊，唔係，係重溫先啱！」
第一手消息請下載on.cc東網少膽虫
