「局長，局長，小巴加價、的士加價，依家巴士又話要加價，你有咩睇法？」台下記者逼得炳炳局長滿頭大汗，「我哋會按既定原則作出審視同考慮……」「又係既定原則，咁究竟即係咩嚟呢？」台下記者再問。炳炳局長抹抹汗，口顫顫道︰「當中包括通脹、營運數據等等，但機密嘅嘢係唔可以詳細公開……」
台下竊竊私語，炳炳局長面露不悅，「大家放心，政府一定盡力而為，做好把關工作。」記者不屑道︰「哦，即係成功爭取由加8%變4%，然後同市民講政府好叻叻。」遭到連番揶揄，炳炳局長終於忍唔住反擊，「……我唔太同意你嘅講法，其實政府唔係逢加都批嘅。」
「局長，你又啱喎，我哋嘅人工真係幾年無加過，政府今次識做喇……」
第一手消息請下載on.cc東網紅字為笑點
