劉展灝（左起）、蘇家碧及鄭文聰昨日宣布派蛋撻賀工總生日嘅計劃。
香港工業總會今年五十五歲生日，主席劉展灝、副主席鄭文聰同總裁蘇家碧尋日就公布一連串慶祝活動，佢哋希望與民同樂，所以全港市民有口福喇。
象徵工業唔止鋼鐵
事關工總其中一項重點活動係派蛋撻，佢哋宣布，五月五日將會喺全港十二間蛋撻王分店，向市民大眾免費派發新鮮出爐蛋撻，活動暫時預定於當日傍晚五至七時在限定時間內進行。
點解揀蛋撻呢？鄭文聰話，蛋撻係好多香港人嘅至愛地道美食，有特色又有代表性，象徵工業唔一定只有銅銅鐵鐵，食物都可以係其中一種，非常貼近日常生活，唔一定硬繃繃喎！原來咁有心思，真係蛋撻雖小，情意深重喎。
第一手消息請下載on.cc東網
