規劃署喺官方網頁上載一幅拜年大合照，以漸變方式轉換繁簡體字，絕對配合一國兩制。（互聯網圖片）
農曆新年將至，互聯網嘅世界多咗好多喜氣洋洋嘅賀卡，政府部門都不甘後人，規劃署嘅官方網頁就上載咗一幅大合照，係署長凌嘉勤同一班同事豎起晒手指公，以維多利亞港作背景，向市民拜年。
特別嘅係，合照上寫咗「恭賀新禧 喜氣洋洋」八個字，係以漸變方式同時顯示繁簡兩種字體，大中華地區嘅人一眼就睇得明，仲好配合一國兩制添。雖然有人認為略嫌老土，但規劃署原來一向保持跨文字平台，平時網頁都有繁體版、簡體版同英文版，但賀年字句就無英文，如果整句「Happy Lunar New Year」係咪仲好呢？
第一手消息請下載on.cc東網
