政壇：搞搞政：范國威工作報告惹抄襲疑竇

份十四頁工作報告，封面印咗Gary嘅大頭相，封底雖寫咗「自由行研究簡報」，並加上立法會個標誌。但內文當中十二頁都係引述研究簡報，最後一頁有寫明資料係來自「資料研究組」，但字體唔係太大，唔怪得有人誤會。

被質疑抄襲嘅當事人一啲都唔擔心，仲話因為工作報告一早標明係取自資料研究組，呢份報告係可以複印，只要準確引述就可以。佢仲話呢份工作報告藍本一早畀咗資料研究組審閱，申請撥款前亦已問過立法會會計部，佢哋都冇話有問題。不過，死撐嘅Gary都承認，網上版本可能睇唔到咁仔細，印刷版或者會睇得清楚啲。