【本報記者】「你唔好諗住靠嗰邊啲學校，佢哋（學生）只可以靠自己！」「明明」繼母李太指摘英國的學校不負責任，原來一家人尋找「明明」期間，由聯絡「明明」的英國同學口中得知，愛兒兩個月前曾在英國企圖自殺，但校方竟無通知家長，又打算將他踢出校，她指雖然家人一直都關注「明明」的情緒，但早知道他有尋死前科，就會更提高警覺，不會輕易讓他返英。
李太不滿英國校方：「錢就識收，呢啲係學校嘅責任，咩都唔認，又話唔關佢事，如果我哋一早知就會帶佢睇醫生！」她又不滿報案時警員表現消極，令家人無法肯定「明明」是否已離境。
警拒查出入境紀錄誤事
李太憶述稱，「明明」生前已在英國揀選大學，打算報讀酒店管理學系，今次回港度假卻心事重重，當時李父及胞姊帶他到大欖涌水塘散心及勸解，「我都有同佢傾過偈，同佢講讀唔到就唔好讀。」李父送「明明」上機後，翌日始揭發兒子不在英國，他們大驚報警，要求警方翻查兒子出入境紀錄，或查看閉路電視以確定兒子身在英國還是香港，但被拒絕，她不滿稱：「人命關天！點解唔可以酌情處理，如果四日之前都有機會搵得番佢！」
經歷如此錐心之痛，李太呼籲家長送子女越洋讀書時要加倍留神，不要輕信校方。
第一手消息請下載on.cc東方互動
