SUN搞作：網絡小說：己所不欲勿施於人
「有汗出無糧出，還我血汗錢！」小駿在公司門前厲聲疾呼，自以為一年三百六十五日年中無休，薪金卻是杯水車薪，無功勞都有苦勞，誰料到自己竟然慘被剝削。此時高高在上的老闆緩緩步出，小駿立即上前，「老細，我咁勤力做嘢，點解要咁對我？」老闆無視小駿。「又話香港標榜自由平等，根本就係個大話！」老闆一聽，不屑道︰「有糧出畀你仲唔滿意，真係三千蚊都畀多你，無我你連飯都無得食！」
「Susan，快啲過嚟幫我除鞋！」小駿回到家中呼呼喝喝。外傭攝手攝腳走過來，忽然就捱了一巴，「行咁慢，作死你呀！」高高在上的小駿緩緩坐下。「Sir，我咁勤力做嘢，點解要咁對我？」小駿無視Susan。「又話香港標榜自由平等，it is a lie！」小駿一聽，不屑道︰「有糧出畀你仲唔滿意，真係三千蚊都畀多你，無我你連屋都無得住！」
