開講有話，世上冇無緣無故嘅愛，亦冇無緣無故嘅恨。法國《查理周刊》遭血腥恐怖襲擊，德國亦有傳媒大樓畀人放火焚燒，原因係禍從口出，得罪咗宗教極端勢力。照咁睇，壹淫媒老闆淫賤黎大宅同埋壹淫媒大樓被人投擲燃燒彈，都係引火自焚嘅咋。
即係咁，香港自詡係法治之區，犯法嘅事當然唔可以姑息，正如律政司司長袁國強話齋，不論事件係咪涉及報復或政治立場，當局都唔會容忍暴力行為。咁講係冇錯嘅，之不過咁喎，佔中都係暴力事件，點解港府有法不依？如果法律真係公正無私，惡人一定會得到制裁，咁邊有人會出動燃燒彈嘅下策吖，吓話？
大家有眼見o架，淫賤黎扮晒「傳媒聖人」、「民主鬥士」，查實係反中亂港，唯恐天下不亂咋。好似佔領鬧劇咁，佢出錢出力、引入外部勢力不特止，仲赤膊上陣添，香港畀佢搞死都似，唔怪得早排畀人掟豬雜加穢物洩憤喇。換着係抗戰時期，呢啲洋奴漢奸，一早畀人鋤奸，點可以繼續獻世吖。家陣係和平時期，乜都講法律，實情又係點？港府放虎歸山，警方溫柔執法，到依家竟然冇一個惡人受罰，有冇再離譜啲吖。
咁多年來，壹淫媒以新聞自由為幌子，公器私用，無事生非，生安白造，受害者不計其數。嗱，老屈女明星賣淫，毀人名譽；捏造城中富商生癌，不安好心；渲染洗頭水可以致癌，搞到人哋差啲破產；仲有偷拍女藝人換衫，影未成年少女濕身照，荼毒青少年等等，惡行厚過電話簿，單係宣淫販賤被判罪名成立嘅案例都有一百多宗。呢啲無恥行為，遠遠超出傳媒本分，偏偏當局次次都係高高舉起、輕輕放下，所謂法治之區，簡直笑甩人哋大牙。
兩岸三地之中，只有台灣當局不畏淫威，執正來做。淨係呢幾年咋，壹淫媒因為老作誹謗而一再被推上被告席，幾乎單單罪成，次次重罰，點似得香港，淫媒獲得司法包庇，法律公義石沉大海。
正所謂，撩人者賤，打死無怨。面對壹淫媒攞住筆桿子胡亂捅人，殺人不見血，有錢人就話同佢打官司啫，無錢無勢嘅老百姓咪忍氣吞聲咯，不過咁，遇着江湖好漢咯喎，用刀把子報復一啲都唔出奇。嗱，今次掟燃燒彈可能只係示警，最多燒死幾隻曱甴啫，下次未必咁好彩嘞，叮！
第一手消息請下載on.cc東網
