盧偉國（左）及謝偉銓（右）講起橋底建設主意多多。
香港有好多天橋，近年多咗人呼籲善用天橋底空間，建築、測量及都市規劃界立法會議員謝偉銓（Tony）及工程界議員盧偉國早前出席建築展覽時，見到現場展示一個天橋底建築模型，兩人即時諗到好多新意念。
Tony話，以前就話橋底空間受限於地下渠位等技術問題而無法使用，但以現時嘅技術嚟講，只要有心一定做得到，好似興建橋底辦公室，或者用嚟興建露宿者宿舍之類，令到一向瞓天橋底嘅露宿者有個安樂窩都唔錯。
盧偉國就話，橋底用作住宅用途本亦無不可，不過容易惹起爭議，主要係噪音比較大，唔適合居住。佢引用外國經驗話，有啲條件唔係咁好嘅橋底空間，其實可以改做停車場或狗公園，又或者興建非牟利機構嘅辦公室，事關呢類機構資源比較少，所以值得支持。其實無論橋底改做乜嘢用途都好，只要唔浪費空間，又可以美化環境，都係件好事。
第一手消息請下載on.cc東網
