佔領行動期間，因為日日出來見傳媒而聲名大噪嘅警察公共關係科總警司許鎮德（許Sir），尋日又再出鏡講清場後的各區情況。大家有冇留意，許Sir笑容多咗，原因固然同明天清埋銅鑼灣佔領區後，一眾差人終於可以鬆一口氣有關，查實許Sir前日請咗半日假，陪返港過聖誕嘅愛女，先至係重點。
話說許Sir嘅十六歲愛女九月負笈英國讀書，許Sir一早應承陪佢開學，原本計劃九月請兩禮拜大假，點知佔領行動啟動後，形勢緊張，全港警察都取消放假，許Sir未能同愛女同行，結果送機嗰日，阿女喊到收唔到聲，許Sir不知幾心酸。眨吓眼，許Sir愛女前日返港過聖誕，佔領行動亦到咗尾聲，於是許Sir請咗半日假去接機，唔怪得尋日許Sir笑容返晒嚟喇！都話女兒係爸爸前世嘅情人，睇嚟真係冇講錯。
第一手消息請下載on.cc東網
