SUN搞作：網絡小說：飯民戲一場
「毛巾？」「有！」「風褸？」「有！」只見李漢奸與AV仁收拾行囊。「咁你問咗屋企人借樽裝水未呀？」AV仁疑惑，「都係一陣啫，有必要帶水咩？」李漢奸認真回答，「邊有人話要水，係要個樽，一陣人哋唔畀你『放便』就大鑊喇！」
二人正要出門之際，AV仁又急急回頭，「等等，差啲唔記得拎寶貝，漫漫長夜，呢鋪有排射！」「有排射？」李漢奸回頭看看AV仁所取之物，原來是平板電腦，心諗︰「呢條友仔又掛住打飛機game喇！」「好！今次真係行得！」AV仁示意。「咪住，你有無拎最重要嘅相機？」李漢奸猛然醒起。AV仁拍拍心口，胸有成竹，「梗係有，你個樣咪咁嚴肅啦，一陣記住笑住同大家揮手，如果唔係影出嚟啲相會唔靚！」一位市民途經，好奇問︰「咦，兩位去旅行定去行山？」
李漢奸與AV仁異口同聲，「唔係，雖然之前無乜幫過手，但見最後一日，點都要落金鐘打卡，做樣都要做畀大家睇喇！」
