謝偉俊身上呢件絲質長衫，真係陶淵明着嘅款式？
北京兩會期間，有人聯名建議制訂統一嘅中式禮服作為「國服」，仲建議國家領導人帶頭穿着添！立法會議員謝偉俊（Paul）尋日着咗件絲質長衫現身立法會，佢話，呢套先係正宗國服，魏晉詩人陶淵明都係着呢款衫喎。「陶淵明獨愛菊」我哋知，但當時衫款係咪如阿Paul所講，真係要考證吓喇。
議員王國興話推行「國服」係好建議，事關香港天氣又熱又潮濕，着西裝真係「有苦自己知」，所以中國人點都要一套國服，仲話中山裝係一個唔錯嘅選擇。
咁女性冇理由着中山裝啩？佢就話其實女性都有好多選擇喎。
不過，王國興平時習慣一身工人Look，牛記笠記，佢真係會着國服？鍾樹根就話唔需要硬性規定着國服，香港係華洋雜處之地，着衫視乎個人喜好同場合，好難有一套特定嘅服裝。
第一手消息請下載on.cc東網
