胡慧中（右二）加入港澳台灣慈善基金會，與陳趙滿菊（左起）、何玉美、張炳煌及羅台秦（右一）拍住做善事。（余素月攝）
港澳台灣慈善基金會（基金）日前舉行春茗，基金主席何玉美（Emma）、創會主席林添茂及永遠榮譽主席錢立祐等台灣幫齊歡聚，講起今年基金工作嘅重頭戲，Emma話係將「愛心獎」由香港及台灣擴大到內地，場中仲有加入基金做總理嘅民政事務局前局長何志平太太胡慧中（Sabrina），佢最近出咗本記錄愛心獎得主故事嘅新書《在人間遇見天使》。
首次躋身作家之列嘅Sabrina話，去年夏天佢同Emma等人穿梭台港，訪談十二位善心人士，形容本書係用汗水及淚水寫成。今次任務令佢明白一個道理，就係行善唔使自身大富大貴，只需有一顆愛心。Emma就笑稱，兩人每次聽人哋講述故事就哭成淚人，要匿入廁所補妝先得，而Sabrina喊完之後，仲感動到應承捐錢捐物資。
當晚到場嘅仲有林添茂太太兼泰山企業執董林陳鳳招、基金總理張炳煌及劉李麗珉等人，基金副主席陳趙滿菊（Joise）亦趕場出席。
第一手消息請下載on.cc東網
