陳振彬（後排右二）指青少年軍有助訓練學生紀律同自理能力。 （資料圖片）
立法會選舉九月舉行，之前有傳觀塘區議會主席陳振彬（Bunny）有意出戰九龍東直選，但近期佢已經表明唔會出戰。但咪以為Bunny唔選立法會就好得閒，因為除區議會工作外，其實佢仲要專注香港青少年軍總會（總會）嘅推展工作。記得總會去年初成立時風波不絕，但話咁快至今已一年多，當時好多人批評完後似乎已經遺忘，咁到底總會搞成點呢？
Bunny話，青少年軍縱隊和團員人數已由最初八十人增至二百五十人，仲成立教導、菁英同地區三個縱隊，除展開恒常步操和軍體拳訓練外，亦有領袖、急救同野外求生等培訓；而當中亦培訓出三十名教練，回饋培訓生力軍。Bunny坦言，近兩年社會環境撕裂又激進，好多學校都受影響，部分學生因為唔想被排斥而扮成「黃絲」，但有唔少學生參加完訓練後，都變得好有紀律同自理能力，回家後唔使父母再勞氣激心。
對外界指青少年軍係「洗腦」訓練，Bunny就話其實想加入一啲都唔容易，現時有好多學校排緊隊申請，當中不乏名校，仲要經挑選後才獲取錄，故係咪「洗腦」，大家可以自行判斷。
第一手消息請下載on.cc東網
