黃夢瑩（左）與孫嘉蔚（右）拍住上為兔唇兒童籌款。
香港青年聯會副主席黃夢瑩（Monin）早前創立亞太家族企業俱樂部後，嚟緊六月底首次主辦大型慈善活動，為微笑行動中國基金籌款。今次Monin搵埋做開時裝生意嘅靚女、曾獲國際洲際小姐中國友誼小姐冠軍孫嘉蔚（Javece）拍住上度橋諗節目。
微笑行動中國基金係一個為內地貧困及低收入家庭兔唇或頭面部畸形兒童做手術嘅慈善組織。Javece話佢出世時身旁同房嘅嬰兒就係一個兔唇兒童，覺得係種緣分，唔幫唔得。而Monin則於十幾年前首次到內地觀看醫生為兔唇兒童做手術嘅情況，後來有受助兒童嘅家長夾份送咗包花生畀佢哋團隊道謝，令佢異常感動。
第一手消息請下載on.cc東網
