「貨櫃議辦」遠望似停車場收費亭。
工聯會一一年派出當年只得二十六歲嘅何毅淦（Stanley）直搗杏花邨中產區，結果一舉擊敗爭取第五度連任嘅泛民主派老將陳添勝。而Stanley之後就開設咗全港首個貨櫃議員辦事處，年底嘅區選，佢將會面對激進泛民派員空降挑戰，Stanley決定打造「政治素人」形象，盡量少沾手政治議題，希望溝淡其建制色彩。
何毅淦
Stanley一二年因為區內冇位，被迫喺行人路開設一百五十呎都冇嘅標準貨櫃議辦，月租僅五千元。Stanley苦笑稱有苦自己知，鐵造貨櫃不但吸熱快、散熱快，落雨時雨水打落櫃頂零舍「應聲」。忍無可忍下去年就決心向政府申請加建上蓋，盼可散熱同隔走雨水聲。激進泛民有意派人重奪杏花邨嘅根據地，Stanley坦言生存之道就係打造「政治素人」形象，少沾手政治議題，以避開反佔中議題，溝淡其建制色彩。
第一手消息請下載on.cc東網
