政壇：李秀恒黃家和自爆網購達人

Eddy不時上網買相機及相關用品，佢教路，用唔同信用卡嘅手續費有差異，而且每次付款都有上限，購物超過二千元就要留意喇。Eddy講笑話，最唔明白係每次網購嘅貨物包裝都封滿晒塵，好在內裏貨品乾淨。

至於黃家和網購仲誇張，鍾意買大大件家具，好似梳化咁，但佢就唔係透過國內平台買，而係於法國網購。講開品牌局嚟緊六月會喺天津舉行嘅「天津香港品牌節」，現任品牌局主席陳淑玲話，內地客來港掃貨都係因為對港貨品質有信心，既然內地對呢方面有需求，展覽會係一個好機會讓佢哋認識更加多唔同類型嘅香港品牌。