東網電視
更多新聞短片警察學院尋日舉行新一屆結業會操，畢業於中文大學法律系嘅靚女新紮師姐陳欣彤（Jessica）再一次畢業，今次象徵最高畢業榮譽嘅「施禮榮盾」，以「最佳結業督察」資格畢業。Jessica將會派駐葵涌警區，佢媽咪曾經反對佢唔做律師而做警察，但Jessica堅持自己嘅選擇。
陳欣彤棄做律師，投考警隊，終以「最佳結業督察」資格畢業。
Jessica話，去年中大法律系畢業後，媽咪好想佢舒舒服服做律師，但佢為人好動、喜歡接觸不同事物，於是去投考警隊，幸好最後都得到雙親支持。讀法律出身嘅佢，對刑法規例當然較熟悉，但佢體能方面就較弱，惟有投考前「惡補」不停練跑。入到學堂之後，體能欠佳仍然係最大考驗，試過連續跑山訓練四小時後，雙腳痛足整個星期，連行樓梯亦有困難。
佔領行動令警民關係緊張，Jessica就話佢會應用在學堂學到嘅技巧依法辦事。翻查中大刊物，我哋發現Jessica跟過曾任警員嘅知名「藍絲」律師陳永良實習。
第一手消息請下載on.cc東網
