跟住內地女士就開始崩潰發難，大聲用非純正粵語重複鬧人「你好多事！」聽出嚟嘅效果當然就係變成「你巧多屎！」有睇過段片嘅網民，製作漫畫上載上網恥笑呢位女子，將佢嘅名句「你好多事」畫成一件你「厚多士」。結果，「厚多士」旋即爆紅，網民爭相轉載，成為一時潮語。
到底隨街便溺不文明啲？定係用手機拍人隨街便溺不文明啲呢？內地嘅報章，竟然覺得香港人拍攝內地人喺香港隨街大小便係不文明嘅行為。呢個強國邏輯其實唔難理解，因為香港人咁樣做係會傷害到中國人民感情，逢親呢啲傷感情嘅嘢，中國梗係會強力譴責。不過，香港人又唔使太擔心，通常強國風格都係止於譴責而不會動真格。唔信？你睇吓越南，中越喺西沙群島水域紮行晒馬，越方政府就縱容國民衝擊當地華商同華人。中國政府除咗譴責之外，就咩都無做過。啲越南人唔止想傷害中國人民「感情」，直情係真正嘅傷害人身安全！中國政府又做過啲乜幫國人出頭呢？不過，中國人感情真係好脆弱，好似最近強國「厚多士」大嬸，喺港鐵食嘢，畀其他乘客話兩句，就即時崩潰發難鬧人，你話中港感情關係幾咁脆弱！
潮語「厚多士」只係誕生咗一個禮拜左右，真係好新好潮！「厚多士」同香港人愛吃嘅食品「多士」係完全無關，但係呢個潮語同「食」係有多少關係。話說上星期，網上流傳一段影片，片中有位操不純正廣東話嘅疑似內地女士，喺港鐵車廂內進食，惹嚟其他乘客不滿。有一位本地中年女士見義勇為出聲叫佢唔好食嘢，之後呢位女士仲不斷否認，話係佢個細路食唔係佢自己食。無幾耐其他乘客加入踢爆佢都有份食並一齊指摘，本地中年女士更義正嚴詞話車廂係屬於大家嘅。
唔知有無茶餐廳會食正條水，乘勢推出「厚多士」套餐賺番筆？不過，睇嚟中港矛盾已經唔係一個問題，而係一個大勢。香港人同內地人，一直都係兩個世界嘅人。各處鄉村都有各處例，嚟到香港就要守香港嘅規矩，一向視法律如無物嘅內地人，去到邊度都依然故我，就唔好怪全球都唔歡迎你哋！唔守法就要鬧爆你，同你講感情？嘥氣！
第一手消息請下載on.cc東網廣告人、網台主持 阿東
