「若要成功，必先自……」鍾鍾正要手起刀落之際，好友小賢及時制止，「好哋哋，做咩要學啲『人肉錄音機』咁，委身做公公？你仲點樣耀祖光宗？」鍾鍾萬念俱灰，「我都唔想，一切都係假期的錯！」

「假期？」小賢聽得不明不白，皆因鍾鍾一向有「北區神射手」美譽，「射波」猶如食生菜，一周見鍾鍾兩次，已是天降神迹，「你一向都唔憂冇假放，究竟所為何事？」「男士侍產假、男士侍產假……」鍾鍾不停低吟。「既然你想放侍產假，點解你仲要咁做？」小賢苦口婆心。

鍾鍾苦笑，「議員話可能有人會為咗放侍產假而變性，冇希望o架喇！」小賢捉緊鍾鍾雙手，「如果冇得放，你都唔使傷心到自殘？」

「哼，你太年輕了。議員啟發咗我，女士產假係既定事實，何不男變女，好好咁享受吓呢？」

第一手消息請下載on.cc東網iPhone/iPad/Android/Windows Phone Apps