取締緩慢 僭建遍地開花
「平台嗰度無啦啦多咗間屋出嚟，鐵皮屋頂仲要裝晒鋁窗，遲吓打風會唔會吹落砸死人o架？」家住北角的李先生指出，區內舊樓僭建問題普遍，近日更發現七姊妹道有大廈平台僭建，擔心結構不穩，倘遇颱風或危害途人安全，「僭建就即係冇經過專業人士檢查結構啦，陣間出咗事邊個負責？」
僭建物遲遲未見取締，屋宇署被批評執法不力。
屋宇署發言人證實，涉事僭建物早已紀錄在案，將按現行執法政策，透過大規模行動向有關業主發出清拆令，事前亦已發信勸喻業主自行清拆。
李先生不滿屋宇署執法緩慢，遲遲未能取締違規建築，令僭建遍地開花，要求檢討有關程序，以便盡快落實清拆，「啲僭建物每日風吹雨打，結構每日都老化緊，就好似一個未爆嘅計時炸彈咁，但係屋宇做嘢就永遠咁懶懶閒，好似唔當市民條命係一回事。」
