SUN搞作:SUN官場現形記:以不變應萬變
房屋署被揭發棄用公屋水池,白白浪費數以百萬元計的公帑,署長康康難辭其咎,市民一於搵康康鬧爆。
市民:做咩肆意棄用水池,荒廢喺度,你唔覺得好嘥咩?
康康:唔嘥,維修保養費咁高,幫大家慳咗好多錢。
市民:藉口!擺係度夠嘥啦!
康康:開番嚟用都要用好多水,咁咪又係嘥水……
市民:總好過放咗喺度,又唔改建其他設施吖。
康康:改變用途,唔係話改就放嘅!
市民:呢樣又唔得,嗰樣又唔得,咁有乜嘢係得o架?
康康:依家咁咪得囉,擺係度,唔好當佢係水池,當佢係一種擺設!
市民:唉,咁你同「擺設」咪一樣,都做唔到嘢嘅!