立法會日前通過修訂《殘疾歧視條例》，將為合資格嘅長者同殘疾人士提供兩元乘車優惠，擴展至綠色專線小巴，勞工及福利局局長張建宗話新計劃將喺今年三月底正式實施。呢個新計劃確實可以減輕長者同傷殘人士嘅交通費負擔，亦可鼓勵佢哋多啲出外走走，但有議員質疑僅嚴重程度嘅傷殘人士先可受惠，門檻過高，促請當局將優惠推廣至輕度傷殘人士。睇嚟張建宗真係要着緊啲去研究點樣完善呢項利民措施，咪再拖落去。
