早前有內地訪港遊客嘅小朋友當街便溺，商務及經濟發展局局長蘇錦樑發表「包容論」後，隨即激起網民不滿，發起萬人去佢屋企外邊便溺。最近佢終於感受到民「糞」，接連收到糞便包裹，身受其害嘅佢將包裹交咗畀警方處理，尋日佢喺法國開完會返嚟，仲解畫話冇公布呢件事係唔想搞大件事，又聲稱話包容唔等於縱容，網民即時火起，瘋狂洗版叫佢包容，呢單蘇州屎睇佢點收科！
