內銀股近呢個月畀人沽到阿媽都唔認得，但福布斯二○一四年度全球企業二千強名單出爐，內銀股又意外地威到盡，投資者真係畀佢搞到頭暈暈。
新鮮出爐嘅名單，最令人意外係三甲位置均由強國企業包辦，工行更蟬聯全球十大企業No.1，緊隨其後為建行，第三是農行。
今年喺全球二千間最大企業中，美國上榜企業最多達五百六十四間，日本有二百二十五間。中國大陸今年新上榜的企業最多，錄得二十五間。呢二千間全球最大企業，合共市值達四十四萬億美元，按年增百分之十三；合共資產總值達一百六十一萬億美元。
以市值計，最大五家企業為蘋果公司（四千八百三十億美元）、埃克森美孚（四千二百二十億美元）、Google（三千八百二十億美元）、微軟（三千四百四十億美元）同巴郡（三千零九十億美元）。
第一手消息請下載on.cc東網
