SUN焦點：夜闖街市可控遊蕩
不少街市位於市政大廈，街市連接其他社區設施。法律界人士指出，街市晚上結束營業後，任何人仍潛入街市行為即十分可疑，即使未有爆竊，亦可被警方落案起訴。
追究管理公司難舉證
部分街市門常開，亦有街市連接熟食中心，有竊匪存心潛入，或有人誤闖，執業大律師陸偉雄表示：「畀警方搵到爆竊工具，即顯示有爆竊企圖，亦可被控告企圖爆竊。」若有關人士身上未有任何爆竊工具，亦可被控告遊蕩罪，陸指：「冇合理理由而出現喺度，都可以被告遊蕩，涉案人只可以向法官解釋話係行錯路，就好似有啲男人話難忍，便走入咗女廁解決咁，到時睇吓個官信唔信。」
街市販商遭賊人爆竊，又能否追究管理公司？陸偉雄稱，販商遭盜竊後若要向管理公司追究損失，只可循民事途徑，但需證明涉及的管理公司有明顯疏忽，如管理員在案發期間正在睡覺，否則較難追究。
