Karrueche性病驚魂怒撇Chris

雖然Chris出名縱慾愛偷食，但Karrueche五年來一直未能狠下心腸跟他分手，直到周二，從報章上得知Chris與模特兒Nia偷食搞出人命、誕下一名9個月大囡囡後，終於難抵打擊，周三於社交網站Twitter高調嗌分手：「聽住，一個人只可忍受咁多。祝Chris同佢嘅家人好運，搞出人命件事咪拖我落水。」

慘遭姊妹Nia背叛

不過，最急切要處理的除了要跟Chris掟煲外，還要到醫院驗身！有知情人士透露，Karrueche知道Chris偷食留種之後，立刻擔心自己的健康：「Karrueche唔知Chris偷食，去拍戲前仲把握時間同佢於一個月內不停做愛，依家諗番即刻決定去睇醫生，祈求別被Chris惹到性病，會留喺醫院有排忙。」

此外，還未夠慘，隨着Nia Amey的身份曝光，Chris與Nia亦被發現其實是相識多年的好友，名副其實吃窩邊草，二人於2013年夏天偷食，同年5月，Karrueche更與Nia一齊於泳池P狂歡，當時還搭晒膊頭十足好姊妹一樣，怎知卻被對方背叛。雖然Karrueche於上月27日曾在Twitter留言：「你們也知道Nia？」其後刪除，似乎已察覺不妥，但萬料不到結果如此出乎意料。Karrueche周三與造型師在洛杉磯低調外出，戴上黑超的她似乎心情麻麻，全程手指指，唧都唔笑。

奉子成婚機會微

至於男主角Chris，據知他在醜聞爆出一星期前已得悉此事，與Nia的BB作親子鑑定，而當時他正與Karrueche因為其他原因吵大鑊，但他亦未有因此而影響心情，周一與歌手Tyga及Trey Songz在美國亞特蘭大開騷時，仍在台上笑到四萬咁口。

直至醜聞曝光後，Chris至今仍未有回應事件，雖然不停致電給Karrueche但未有接聽。由於Chris與Nia奉子成婚的機會很微，故身家累積高達約4,600萬美元（約3.6億港元）的他，隨時要為事件花上巨額贍養費，長久地履行父親的責任。另有指Nia為囡囡取名為「Royalty」，Chris將會定期飛往德薩斯州探望兩母女。