導演邱禮濤（左）與柳俊江互相欣賞，更因彼此信任而令拍攝更加順利。
由新聞從業員跳到大銀幕的柳俊江（Ryan），在杜汶澤監製、邱禮濤執導的英皇電影《雛妓》中與蔡卓妍（阿Sa）飾演情侶。他透露接拍此片全因邱禮濤：「細個已經睇邱導演嘅香港地道作品，劇本好好，貼近社會時事同有訊息帶畀大家。如果搵我拍賀歲片要我嘻嘻哈哈，我根本幫唔到手。」Ryan指與阿Sa演情侶感覺不真實：「記得第一日就要同佢拍床上瞓醒嗰場戲，以前見阿Sa都係喺電視同電影入面，點知今次佢突然瞓喺我隔籬，我仲要攬住佢，其實好驚，怕隻手放錯位令人唔鍾意，所以要好小心！阿Sa好專業咁引導我，仲擺出一副好女朋友嘅眼神，令我好快入戲。」
首次合作的柳俊江感激阿Sa引導他入戲。
Ryan亦感覺到邱導演的功力，令他演出的場口及對白全被保留。而邱禮濤則表示一直有留意柳俊江，對方更是其師弟，系出同門：「覺得佢外形同阿Sa配起來好有新鮮感，加上係演新聞從業員角色，所以想佢試吓，效果好好！」
