迪子超齡扮純情學生妹，雖然自嘲難頂，但睇落又幾順眼喇！
歌手迪子在微電影中擔任女主角，狂「煲煙」之餘更要罕露三吋「事業線」，但最惡頂的還是面對自己穿校服的純情Look，自言不禁打冷震：「好惡心呀！仲慘過要我吸煙。」
迪子為微電影吞雲吐霧，幸好沒有上癮。
無牌迪子揸大膽車？原來係特技！
迪子做主角，罕有露臍又露「事業線」！
迪子日前花了五日時間拍攝微電影《一個女助手的故事》，首度擔任「女一」的她由學生時代演到成為歌手，但令她頭痕的是導演要求她變成「煙鏟小姐」狂煲煙，從不吸煙的迪子苦不堪言：「我本身好抗拒煙味，但做戲惟有頂硬上！初時以為吸幾啖就可以，點知導演要求好高，我諗嗰幾日嚟吸咗成包煙！好在冇染上煙癮咋。」
克服心理關口
除了吞雲吐霧外，迪子指最難度高的是克服心理關口，廿多歲女扮純情妹，她說：「雖然啲工作人員話我扮學生妹都似，但當我着套校服……嘩！自己都毛管戙！勁惡心！」
不設性感底線
談及片中要騎電單車及以低胸裝性感示人，本身沒有電單車牌的迪子自爆只是作狀，至於大晒「事業線」則是配合歌手的角色。她表示雖然兼職教琴老師，但覺得做演員時便要接受不同造型，問到可會接受更性感？她不諱言：「可以o架，只要劇本好，有發揮就會考慮！其實經過今次後，鍾意咗演戲，但我唔會放棄唱歌，微電影中嗰首主題曲《回憶氣味》都係我一手包辦，自己創作兼唱埋。」
音樂組
