東網電視
更多新聞短片組合SiS樂印姊妹去年橫掃不少樂壇新人獎，今年希望創作屬於她們的代表作。而感情未有着落的二人更大爆擇偶條件，家姐駱胤樺喜歡有才華的人，而妹妹駱胤鳴則表示一定要靚仔！
SiS樂印姊妹去年大豐收，但她們並沒有因而驕傲，反而更努力創作音樂。
駱胤鳴擇偶首要的條件是靚仔。
組合SiS樂印姊妹去年橫掃樂壇新人獎，她們說：「雖然早前拎咗獎，知道有人認同我哋，但同時都有好多人唔識樂印姊妹係邊個，令我哋要更努力！」
望與小塵埃Jam歌
她們希望往後可以創作屬於她們的代表作，駱胤鳴說：「希望有首歌係每個人一聽到就會諗起樂印姊妹！」她們透露新歌由妹妹駱胤鳴作曲及填詞，而編曲則由家姐駱胤樺負責，歌曲主要以發放正能量為主：「其實上年我哋有首歌叫《晚安歌》，係紀念過咗身嘅外婆，但我哋都係用好正面嘅態度去寫，祝佢喺另一個世界開開心心！」
除了希望更多人認識外，她們還希望可以與其他歌手合作，駱胤樺說：「我想同組合小塵埃合作，一齊Jam歌！」而駱胤鳴則興奮地說：「只要係靚仔我都想合作！好似天堂鳥！其實2014年嘅新人好Friend，私底下仲有個群組，仲會約出嚟食飯、傾音樂！入面都有天堂鳥！我都有同佢哋講想合作，但唔知佢哋有冇當真啦！」
駱胤鳴專攻靚仔
而感情未有着落的她們更主動開出擇偶條件，駱胤鳴說：「我要靚仔啊！其實我身邊啲男性朋友都係靚仔，唔靚仔我唔同佢做朋友！」駱胤樺說：「我要有才華嘅！」兩姊妹雖然擇偶條件不同，卻異口同聲指對象是圈內圈外都冇所謂。
專案組
