movin'憑歌寄意唱出「小確幸」

一向以社會時事為題和人生百態創作歌曲的樂隊movin'，終於推出第一首情歌《小確幸》，以成員的戀愛經驗寫出男士心聲，就算撇除物質，感受小而確實的幸福都可以很Sweet！自認是小男人的movin'希望透過作品喚醒大家以平淡擁抱幸福：「唔係有樓有車有錢、事業有成先代表幸福，唔一定要滿足世俗嘅要求先畀到另一半幸福，感情唔可以物質去量度。」主音袁學謙更自爆最愛唱情歌表心迹：「我鍾意對我嘅另一半唱情歌，又或者將練歌過程錄畀佢聽。」