吳君如前晚以反串造型出席電影慶功宴，席間大講有味笑話，在身上掛「香腸」讓在場女士任搶，又拉開褲鏈讓王菀之伸手入內抽「巨腸」，玩得相當盡興！
Ivana在君如的褲頭抽出「巨腸」，該煨咯！
君如提供「福利」，讓任達華在褲頭掏出「紅封」。
君如在身上掛滿香腸，引發「腸」奪戰！
衛詩雅稍露纖腰撐場。
衛詩雅親手餵任達華食嘢，認真細心！
演員吳君如、任達華、王菀之（Ivana）、劉浩龍、衛詩雅、姜皓文和顏子菲，前晚出席電影《12金鴨》在上環舉行的慶功宴，慶祝票房達2,400萬港元。君如以反串造型「Future哥」亮相，席上大講有味笑話，又拉開外套展示多條「巨腸」任在場女士搶奪，其後再拉開褲鏈讓Ivana伸手入內取出「長腸」，令Ivana尷尬傻笑！她又向男演員大派「紅封」利是，任達華即趁機抽水，出手摸其「腹肌」！君如笑言宣傳比拍戲還要辛苦：「食芝士香腸，大家咪心邪，但又畀我喺燒味檔搵到條咁長嘅腸！」
Ivana催男友捧場
Ivana對票房報捷大感興奮，她說：「家人反而好留意，媽咪睇過唔止一次，我會同家人、朋友再睇。（男友有冇捧場？）佢仲未得閒睇。（鬧佢？）咁又冇，佢忙，但都想佢快啲睇！」此外，談到有傳早前舉行的慰勞宴中，黃偉文（Wyman）看見遲來的陳奕迅（Eason）即拍枱怒斥：「有啲我唔想見到嘅人出現」，君如笑說：「要發脾氣都應該係我啦！嗰晚有抽獎，所以好多人拍枱。我睇到佢哋去咗間房仔傾偈，可能係敍吓舊。」Ivana則說：「我唔見呢件事。（佢哋面左左？）冇呀！大家都好開心咁出嚟！」
秋生睇好阿Sa
同場的黃秋生大讚英皇電影《雛妓》好睇，又睇好蔡卓妍（阿Sa）成為金像獎影后。提到導演劉俊輝與梁齊昕的風波，與齊昕相識的秋生暗寸劉俊輝：「唔知邊個，呢啲嘢唔想搭上任何手，完全唔識佢！」他又說：「之前有叫佢（梁齊昕）考慮清楚。」至於任達華則透露曾與劉導合作電影，指對方是不錯的製片人。
影視組
