黎智英、李柱銘（圖）等最少五人，不分冷暖又再密會。
近日天氣嚴寒，氣溫一度急降至五度或以下，但儘管如此，壹傳媒集團前主席「肥佬黎」黎智英、白鴿黨創黨主席「李漢奸」李柱銘、該黨前主席「AV仁」何俊仁同「高達」李永達等人，不分冷暖繼續密會，眾人尋日晚上齊集肥佬黎位於何文田嘅寓所，莫非於寒冷天氣當前，仍要密謀攪局？
何俊仁有份到黎宅密會。
李永達（右）、黃偉賢（後左）參與密會後，齊於太子港鐵站離開。
密會三小時
尋日晚上七時，李漢奸、AV仁、高達等四人喺肥佬黎司機接送下，一齊乘搭七人車抵達黎宅，經過約三小時，直至晚上約十時終於散場，該部七人車再接載眾人離開，其中高達同穿上黃色外套嘅元朗區議員黃偉賢先喺太子港鐵站離開，其後又送李漢奸返回其位於馬己仙峽道嘅寓所，最後一站則係AV仁屋企。現場所見，多人離開時面紅紅，莫非係飲紅酒抗寒風，進而密謀搞搞震？
第一手消息請下載on.cc東網
