電單車違例停泊行人路，阻礙途人通過。居於藍田廣田邨的詹小姐指出，每次在巴士總站候車期間，均發現有電單車違規駛上行人路，隨即停泊在路旁，「行人路係畀人行嘅，但啲電單車泊晒上嚟，咁叫啲人點行？」詹小姐續指，最嚴重時更見短短數米的行人路已泊有約七部電單車，要求警方加強執法。

廣田邨巴士總站經常有電單車違例停泊在行人路旁。

警方發言人指出，去年未有接獲有關投訴，但接獲本報轉介後有派員巡查，並根據《定額罰款（交通違例事項）條例》向在行人路違泊的電單車發出三十九張告票，強調警方一直關注區內交通問題，會針對情況定期採取交通管制行動，以確保道路使用者安全及交通暢順。

詹小姐批評警方「唔踢唔郁」，令電單車車主有恃無恐地違泊，「唔投訴就唔去巡查同執法，唔怪得成條行人路都係電單車啦！」