衞蘭（Janice）除了天生有一把甜美歌聲外，畫畫亦同樣有天分，她近年便再度執起畫筆，為思想世界開拓自由快樂的空間。月前，Janice在愛犬Butch離世前夕以畫抒發感情，伴牠走完最後一段路。

衞蘭唱功了得，原來畫畫亦甚有天分。

Janice仔細地畫出層次感。

Janice調色時不忘整古做怪，相當搞笑！

Janice特意在受訪前一天繪畫新作品，可惜未有足夠時間完成，她笑說會將作品帶回家繼續畫。

愛犬Butch上月病逝，Janice以牠為靈感繪畫新作，藉以自我開解。

Janice送上畫作為爸爸慶生，雖然作品較為抽象，但他亦愛不釋手。

Janice（左）與Jill都有藝術天分，但嗜好各有不同。

衞蘭手上的紅繩正是Jill的作品。

衞蘭自小已有畫畫天分，14歲時曾代表學校參加以環保為主題的繪畫比賽，更擊敗13間學校的參賽者奪冠，其作品亦曾公開展出。Janice說：「我嗰時仲同爹哋去太古城睇展覽，當時嘅獎品係一個電腦美術軟件。嗰時屋企窮，連電腦都冇，但爹哋為咗份獎品，送咗部電腦畀我。」Janice後來因家庭環境欠佳，沒有多餘錢去買顏料及畫具，只好放棄畫畫這個興趣。

擺脫商業束縛

去年，Janice認識了一位開畫廊的朋友，在其影響下重新執起畫筆，再度「畫出彩虹」。Janice回想起14歲時其中一幅有屋和一片草地的油畫作品，她說：「音樂上都會因為商業因素而有所限制，但畫畫就係好自由嘅嘢，鍾意畫乜就畫乜，隨心所欲，好似『離家出走』咁。不過唔使真係離家出走，而係喺畫入面『出走』。」她表示開心時愛畫畫，心情低落時亦會畫畫：「自己深閨又少講嘢，畫畫最適合我。開始畫畫後，就發覺睇事物唔同咗，會畀以前細緻同仔細。」

執筆餞別愛犬

短短一年間，Janice已畫了逾十幅作品，她喜歡畫大自然景色，但有時亦會畫些抽象作品。她透露早前為爸爸畫了一幅畫作為生日禮物：「但畫得好抽象，我諗佢睇唔明……等畫功再進步啲，我會再畫過一幅送畀佢！我Feel到爹哋開心，佢周不時同人講係佢個女畫嘅！」此外，Janice的愛犬Butch月前病逝，她在Butch離開的前一晚伴在愛犬身旁畫畫，她說：「我畫咗一條路，周圍好黑，但路嘅盡頭係有一道光芒。面對最愛嘅人離開好似所有嘢會冧落嚟，但當你睇清楚，其實係有希望，佢只係去咗另一個世界。」她深信Butch會明白其心意。

畫功一流

Janice去年重拾畫筆，其後不時將作品上載至Instagram與粉絲分享，大晒畫功！受訪當日，她亦不忘展示為訪問而準備的畫作，相當畀面！

後記：姊妹各有所長

Janice與妹妹衞詩（Jill）同樣有藝術天分，Janice愛畫畫，Jill則愛做首飾，更在網上開店，將嗜好變為小生意。Janice說：「畫畫係逐個部分慢慢畫出嚟，有啲人會覺得煩，又嘥時間，但我就覺得好好玩。妹妹就好有心機做首飾，但叫佢幫我畫，佢就話冇耐性，而我都冇興趣做首飾。」她又展示手上的紅繩，表示是妹妹的「傑作」，看得出是一份很有心思和愛的禮物。