模特兒莊思敏與傅嘉莉前晚出席Harvey Nichols活動，同樣以性感透視裝示人。真空上陣的莊思敏自爆忘記戴Bra，用手按實襯衣免走光，並表示接受以此造型出街，但動作不能大。問到會否怕男士貪圖其性感而非美貌？她說：「冇得驚，可能鍾意我口衰！」而傅嘉莉被問到在《衝上雲霄Ⅱ》中索維他命水令網民嗌煩，她說：「呢幕係加上去，表達有幾鍾意亦風（吳卓羲飾）。（無綫劇重口味？）唔會！聽到有唔好嘅（評語）會唔開心，但咁先有進步。」

莊思敏（左）與傅嘉莉着透視裝鬥性感！