林峯高調宣布戀情，令Fans火遮眼，但他未有避忌，反而多次發表「愛的宣言」火上加油，令Fans醋意更濃！

林峯、吳千語

冧叫BB

今年初，林峯在《勁歌金曲》頒獎禮上公開感謝「BB」，又在個唱上對住捧場的吳千語大唱冧歌《BB》，令「BB」身份昭然若揭。

賜予名分

今年2月，吳千語被起底，林峯即公開戀情「護B」，正式賜予「女友」名分，並Chok爆說：「影到我愛錫嘅人同埋佢屋企人，我要做番男人要做嘅嘢！」

禁拍咀戲

林峯被問到會否禁止吳千語拍咀戲時，即說：「最好唔好啦！」又點頭承認視對方為家人，問到對方是否結婚對象，他更說：「一定好認真！」

七愛女友

林峯被指在內地拍戲時掛住煲電話粥，因而激怒導演，其後他表示會將戀情低調，但又高調說：「我真係好愛、好愛、好愛、好愛、好愛、好愛、好愛BB、BB家人同自己屋企人！」

獨一無二

早前傳出吳千語逼婚，林峯即與她發聯合聲明正視聽；日前林峯會見港姐時，O蔡思貝指自己似「千語BB」，林峯即說：「我唔覺得似，佢係獨一無二！」