已單身一段日子的黃宗澤，昨日出席公開活動時獲贈「囍」字床鋪，自言現時着重打理餐廳生意的他，不着急展開新戀情，但身邊朋友紛紛為他安排相睇飯局，他卻因場面尷尬而沒有下文！

手持「囍」字床鋪的黃宗澤表現尷尬，不懂招架。

黃宗澤擔任床上用品店的剪綵嘉賓。

黃宗澤（Bosco）去年與胡杏兒分手後，身邊的女性均成為緋聞對象，真命天「女」尚未出現，外界已心急催他快覓新歡。昨日Bosco擔任「卡撒天嬌」家居生活店開幕典禮的剪綵嘉賓，獲贈送「囍」字紅色床鋪，令他不懂招架，只好尷尬傻笑。

冇時間諗兒女私情

事後Bosco笑指客戶比他還心急，他說：「要咁急咩？我阿媽都冇催，肯定暫時未用得着！睇吓有冇朋友啱用就借花敬佛啦！我自己都唔急，成日都忙拍嘢，又要忙自己生意，都冇咩時間剩！（你想轉型唔做演員？）都要為將來打算。（身家過億？）邊度有？」

問到與杏兒分手多時仍未有新對象，是否對舊愛未忘情？Bosco立即否認，還表示近期忙於工作，未有時間想兒女私情的事，相反身邊的朋友卻熱心地為他介紹對象，他說：「一大班朋友約出嚟食飯，帶咗一、兩個女仔出嚟，我未試過咁，搞到好尷尬。最後食完餐飯，Say個Hi就走，亦冇交換聯絡方法！」