蔡一智讚Niki（中）美艷之餘，不忘冧老婆。
昨日34歲生日的周麗淇（Niki）非常有面，前晚獲新劇拍檔林峯帶同千語BB一同慶祝，現場一雙一對，未知壽星女可有眼冤？Niki昨日透過經理人說：「Niki尋晚約埋成班老友食飯，順便同所有8月同9月生日嘅好友慶祝，雖然嚟食飯嘅朋友大多一雙一對，但Niki對感情隨緣，而老友都冇話介紹男仔畀佢識，因為知佢心裏有數！」
Niki近日與林峯在內地拍劇，因而成為好友。
姊姊周汶錡（右）嘴對嘴送上生日Kiss。
於八月或九月生日的張智霖（左起）、袁詠儀、梁家樹、Niki、上山詩鈉及胡文新，相約一同慶祝。
到賀的姊姊周汶錡及其他賓客落力在微博晒相，當中以蔡一智最識做，上載與Niki及周汶錡的面貼面合照，賣口乖之餘不忘冧老婆：「兩位周氏美人，各有特色，同樣美艷！當然我家那位周氏美人也相當有分量！」他還指Niki瘦了不少，促她快點增肥。
