藝人陳百祥（阿叻）與黃杏秀於泰國時間昨午1時40分抵達泰國白龍王廟，拜祭上周病逝的白龍王。他倆一身素服往主廟參拜白龍王像，其後與師母及白龍王細女Pet見面，師母見到阿叻激動落淚！其後師母帶阿叻往靈堂，阿叻望着白龍王遺照兩分鐘，期間秀姑難忍淚水，阿叻在靈堂逗留約兩小時離開。提到白龍王曾叮囑阿叻今年不能出席紅白二事，但阿叻表示掛念師傅恩情，無懼相沖也要前來，無奈周日要擔任港姐決賽司儀，未能送白龍王最後一程：「我哋好似一家人咁，情同父子，百無禁忌啦！可能生肖相沖，唔係一回事。（難忘事？）好多，好似佢叫我同阿倫（譚詠麟）要一齊拍檔，當時佢都未知我哋嘅關係，1994年又叫我唱歌，結果開咗七場演唱會。自己思考唔叻，問親師傅都有90%準，同佢有緣分。」

阿叻拜祭白龍王時一臉傷痛，秀姑則難忍淚水！

阿叻送抱安慰師母。

而據悉楊受成、楊其龍、王晶、劉偉強及孟瑤今日到泰國拜祭白龍王。另外，白龍王的遺體按照泰國人習俗，於17日離世後讓家人瞻仰遺容，其後以防腐程序封棺，待出殯後儀式後入土為安。