楊千嬅、陳奕迅（Eason）、張敬軒、蘇永康和梁漢文等歌手前晚為陳百強紀念騷綵排，Eason綵排時整蠱做怪用西班牙文演唱，令其他歌手開懷大笑！產後首度演出大型音樂會的千嬅直言陳百強是她求學時的男友模式，問到老公丁子高可有相似之處？她笑說：「夢想同現實係兩樣嘢。」提到有指她為老公搭路結識王祖賢，千嬅大呼撞邪：「真係邪！我都唔知咩事，我私底下唔識佢，可能呢排盂蘭節。」另外，Eason被問到會否在騷前要求歌迷靜心聽歌？他說：「唔使啦！大家唔使對我太認真，都過咗去。」

梁漢文（左起）、陳奕迅、蘇永康和楊千嬅綵排陳百強紀念騷。