盛傳欣宜不滿唱片公司老闆偏心吳若希（Jinny），令她意興闌珊！對於欣宜拖新歡在中環後巷咀嘴，早前宣布與男友分手的Jinny昨日在電話中笑說：「係咪Goodbye Kiss咋？你知欣宜鬼妹仔性格好平常！」她表示未聽聞欣宜拍拖：「陣間八吓。」雖然年紀較欣宜小，但Jinny指感覺似睇住欣宜成長，認為欣宜是個需要人愛錫及保護的女仔：「我都好想保護佢，如果佢真係拍拖都戥佢開心！」她又指與欣宜不和的傳聞得啖笑：「同欣宜經常互相鼓勵，老闆都冇偏心，一視同仁！」

吳若希對欣宜拍拖毫不知情，卻戥她開心。（資料圖片）

此外，身為欣宜好友的王君馨昨日接受電話訪問時表示近來各有各忙，只與欣宜電話聯絡，提到欣宜與紋身男咀嘴，她說：「係咪真o架？角度嚟咋？冇聽過佢拍拖，如果照你形容，我應該知係邊個，佢係我教會弟兄嚟，圍內嘅人都識！（佢追欣宜？）唔知！（如果欣宜拍拖會唔會戥佢開心？）如果啱嘅都戥佢開心，希望佢搵到個Mr.Right！」