加讚同圓圓親自為女兒及家中小朋友買聖誕禮物。
聖誕節前，大小商場擠滿買禮物及應節用品嘅人，早前升級做潮爸潮媽嘅蔡加讚同太太汪圓圓亦忙於買禮物，尋日下晝兩點幾，佢哋同媽咪蔡李惠莉現身又一城商場，原來係去玩具店買聖誕禮物，買玩具給囡囡及屋企嘅小朋友。
圓圓尋日素顏現身，大褸、冷帽齊備，同加讚分開選購玩具，不過，佢哋貌似行色匆匆，加讚表示：「我哋都走喇，只係嚟睇吓玩具。」問佢係咪夜晚要開party？佢一邊準備離開，一邊話係！
一行人逗留約十五分鐘後，都有啲收穫，工人排隊畀錢後，佢哋就離開咗。
第一手消息請下載on.cc東網
