立法會在不同樓層擺放多幅由本地藝術家創作的作品。
本地藝術走入立法會，最近喺各層增添布置五組由本地藝術家創作嘅水墨畫。呢批水墨畫作原來係出自本地新進藝術家之手，有啲仲入選香港當代藝術獎添。
譬如掛喺一樓同二樓議員電梯大堂、由藝術家楊頌雅繪畫嘅《承諾，衝破空間走向無限》，就好搶鏡，畫中兩隻雀仔形態栩栩如生，令人行過時忍唔住望多兩眼。點解立法會忽然加咗呢批藝術品呢？近年議會多爭拗，唔通秘書處想以藝術陶冶議員性情、化解戾氣？
點都好，本地藝術家嘅作品走入議會，既為議會生色不少，亦讓參觀者順便欣賞本地藝術創作，一舉幾得，值得拍掌。
第一手消息請下載on.cc東網
