臨近歲末，電視風雲又起，亞視欠薪危機仍未解決，打鑼咁搵「白武士」，亞視中人煩惱，主管電視牌照事務嘅商務及經濟發展局局長蘇錦樑雖然攞咗假放到新年後，但睇怕都要煩埋一份。有人話，去年底有香港電視不獲發牌風波，今年底就輪到亞視爆煲，究竟係蘇錦樑腳頭唔好，定係電視牌照煩惱多呢？
今次亞視嘅問題源於現任股東唔願注資，監管人已經講到明，亞視必須有「白武士」入場打救，而且時間好趕添。撞啱聖誕、新年連串假期，亞視救亡戰真係幾濕滯，或者，蘇錦樑假期煩惱時，都要祈願明年聖誕唔好再來電視風雲囉。
第一手消息請下載on.cc東網
