期指攻略：入市信號初步確認

隔日即市走勢麻麻，放棄了開好倉計劃，昨日大市延續近期「一步到位」玩法，期指裂口開高471點，等買的見確認破位，已追無可追，見裂口高開幅度相當，好友再追買誘因不足，全日期指主動沽盤唔算多，但與近日天氣一樣，陰陰悶搵即市支持，午後低位見19,257點，日市以19,294點結束，低水69點，成交僅10萬張。

恒指終於高於20日線收市，是踏入一六年以來首次，筆者等待的入市信號，2日線破20日線亦都正式確認，即使昨日等了又等，但未見即市出現較吸引入市價位，還是先按計劃，臨近收市補一注好倉。油價成為近日環球市場焦點，油組傾唔成減產，油價仍彈超過百分七，支持美股反彈，道指如破16,510點將確認短期雙底成立，或者環球市場已見了短期轉角位。