鄭泳舜唔為意大仔作病，仲照常送囝囝上校車返學。
咁啱早幾日下晝大約四點半鐘，我哋見到藝人胡杏兒嘅姐夫、深水埗區議員Vincent鄭泳舜急急腳行入尖沙咀一間酒店，然後不停講電話，神情好似幾緊張，唔知到發生咗乜嘢事呢？
眾所周知，Vincent係廿四孝老竇，親力親為送三個囝囝返學。上前問佢究竟做乜事咁緊張，佢笑笑口話八歲大仔發燒，但佢講起件事有啲自責。話說當日朝早佢送大仔返學時，見個仔唔係好舒服，但唔為意照送個仔上校車，點知一上車就嘔，返學校後又嘔咗幾次兼且發燒。Vincent話依家流感咁犀利，真係唔可掉以輕心喎。其實如果唔係佢咁矇查查，可能囝囝唔使又燒又嘔咁辛苦囉！
第一手消息請下載on.cc東網
