「車頂壓扁晒 人都見唔到」

頭輕尾重剷易飛起

陳先生形容保時捷短時間內已陷火海，整輛車由頭燒到落尾，「好短時間已經有煙、火、爆，跟住大火。」但因車廂身扁到車頂貼車輪，有貨櫃車司機曾試圖救火，但因火勢猛烈而放棄。

陳先生稱，「有啲貨櫃車司機經過，有兩個司機想行埋去，點知發生爆炸，跟住就走咗。」另一名姓黃貨車司機稱，他駕駛的貨車原本停泊在昂運路。至凌晨四時許，他取車駛離昂運路，準備在五時抵達西隧，詎料甫駛出昂運路迴旋處，「一出去就見到火光。」他立即落車了解，「經過想救人，打電話報咗警，落車睇吓幫唔幫到手，初初好細火，但行過去時聽見『嘭』的一聲，爆炸好勁，唔敢行過去。」

據閉路電視片段顯示，由於跑車凌空撞橋躉再跌落花槽後，再度陷入火海，期間又傳出兩下爆炸聲，「爆兩吓，好輕微。」姓黃司機稱，因為通宵時分現場人車罕至，未見現場有其他人，不過就算其他人經過，亦難以救熄烈火，後來有消防員到場開喉灌救。

香港汽車工業學會會長李耀培表示，保時捷Cayman S設計為前置油箱及後置引擎，車身重量墜於車尾，若技術欠佳，或粗魯地在轉彎時大力煞車，可致失控令車頭搖擺，或因而令保時捷失控剷石壆；車頭較輕，容易「岳頭」，故會凌空飛起。

前置油箱撞穿易起火

另一方面，李估計，在車頭底的油箱或與石壆摩擦「剷底」，油箱撞穿漏油，加上油喉移位及電線斷開產生火花，與電油接觸後會起火。此外，保時捷再撼向橋躉的「二次撞擊」，車上的人受到重擊後陷入昏迷或失去知覺，無法離開車廂喪命。

理大機械工程學系工程師盧覺強稱，跑車失事後，油缸或油喉有機會被撞穿漏油。他估計漏出的電油，接觸車尾引擎底達攝氏300度催化器的外殼時，最有機會着火。