有肉檔將雪櫃放出行人路，通道受阻令行人舉步維艱。
天水圍天耀邨居民梁女士指出，邨內街市檔戶常將貨物放出通道，影響通道暢通，不滿領匯未有正視問題，「啲菜檔放晒啲貨出嚟，肉檔仲誇張，直情成個雪櫃放咗出嚟，我哋想搵條路行都難！」梁指檔戶阻塞通道，行人碰撞以致衝突頻生，要求領匯做好管理工作。
領匯發言人表示，該公司已透過口頭勸喻及警告信要求有關商戶將貨物移至舖內，以確保通道暢通，並會繼續監察有關情況。
「口頭勸喻即係無懲罰啦，唔怪得之仲係日日都咁塞！領匯應該要罰佢哋錢，嚴重嘅終止租約，咁先有阻嚇力！」梁女士不滿領匯沒有履行管理責任，令買餸市民寸步難行，要求領匯引入懲罰機制以提高阻嚇力。
第一手消息請下載on.cc東網
