港聞
  • 寶蓮禪寺方丈釋智慧法師

    香港佛教聯合會早前爆出選會長爭議,有人不滿未經正式選舉,就疑似內定會長一職由臨時署任會長、寶蓮禪寺方丈釋智慧法師擔任,而佛聯會近日出版嘅刊物及網站亦已率先將智慧法師列明為會長,而年資較耐嘅前首席副會長永惺法師則為榮譽會長,結果惹來爭議。智慧法師前日(年初五)就低調話自己仲未係會長,初八先至上任喎。

    話說舊年十一月佛聯會前會長覺光法師圓寂,因此要改選會長,並由釋智慧臨時署任會長一職。直至上月中,董事會終於正式通過會長由智慧法師擔任。前日我哋喺佛聯會舉辦嘅「念.覺.祈頌吉祥大會」暨覺光法師慈善基金活動上,見到場刊同印刷刊物已經將智慧法師列明為會長,梗係要問問智慧法師有乜感受同抱負啦,佢就話:「暫時未係會長,初八先至係。」

    第一手消息請下載on.cc東網iPhone/iPad/Android/Windows Phone Apps